Lakers

Lakers hafa verið á óvenjulega og óvæntu rönni í síðustu leikjum, eftir að bæði Kobe og Bynum meiddust.

1. Fyrst mættu þeir Portland á útivelli, en þar höfðu Portland unnið Lakers í síðustu 15 af 17 leikjum, og 9 síðustu. Samt mæta Lakers á svæðið og pakka þeim saman, 99-82.

2. Næst taka Lakers á móti strákunum í San Antonio. Þar er sama saga, öruggur sigur 101-89 gegn fullmönnuðu liði Spurs.

3. Í nótt var svo heimsókn til mormónanna í Utah, en þeir höfðu unnið einhverja 10 leiki í röð, og voru sjóðandi heitir. En þetta var bara létt hjá Lakers, 96-81.

Að meðaltali 84 stig fengin á sig, miðað við 96,4 yfir tímabilið.

Hvað er þetta að segja okkur? Eru Lakers betri án Kobe og Bynum, getur það verið?

Eða var kannski meiddur Kobe ekki að gera nógu góða hluti, slæm hittni í mörgum leikjum, etc? Munu Lakers jafnvel verða óstöðvandi þegar hann snýr aftur eftir meiðslin?

Maður spyr sig.

All star helgin er svo framundan núna um helgina.

Þar verður Shannon "The human trampolin" Brown í aðalhlutverki.

Áfram Lakers.

Lakers...

Innilegar hamingjuóskir til allra Lakers-manna og kvenna!

Ég var aldrei í minnsta vafa að við myndum vinna titilinn í ár, enda með besta leikmanninn, besta þjálfarann og bestu liðsheildina. Hin liðin áttu einfaldlega ekki break þegar Lakers virkilega lagði sig fram.

Ég hef horft á gífurlegt magn af leikjum liðsins í vetur. Af leikjunum 82 í deildarkeppninni hefur ég líklega séð svona 65 að hluta eða öllu leiti. Af leikjunum 24 í úrslitakeppninni sá ég eiginlega alla í heild sinni. Þannig að við erum að tala um hátt í 90 leiki í vetur/vor/sumar, sem er alveg slatti. Í minningunni verður þetta veturinn þegar Harpa gekk með Sunnu Karen, en líka Lakers-Atvinnuleysis-veturinn.

Það verður spennandi að sjá hvað gerist með leikmannahópinn fyrir næsta tímabil. Ég myndi vilja sjá okkur losna við The Broken Machine (Vujacic), The Hope (Farmar), og annað hvort Mbenga eða Powell. Einnig væri snilld ef Kobe myndi skrifa undir nýjan samning og taka á sig launalækkun. Með því væri hægt að semja uppá nýtt við bæði Odom og Ariza og vonandi Shannon Brown. Með þennan mannskap er ekkert annað en titill í spilunum næstu 2-3 árin.

Áfram Lakers.

Íþróttir...

Mín lið eru aðeins að ströggla þessa dagana. Ég held að það sé alveg óhætt að segja að Liverpool eru úr leik í baráttunni um enska meistaratitilinn eftir tap dagsins gegn Boro.

Napolí eru í lægð á Ítalíu og eru komnir um miðja deild. Ég get ekki nefnt einn leikmann liðsins á nafn, en þeir eru samt mitt lið.

Barcelona eru skemmtilegasta lið alheimsins á þessu tímabili, en hafa verið að tapa stigum. Á sama tíma eru Real á góðri siglingu. Ég hugsa samt að Barca taki titilinn. Ég trúi ekki öðru.

Lakers eru búnir að vera geysisterkir í allan vetur, og jafnvel bætt í eftir að Bynum meiddist. Tapið gegn Nuggets í nótt var bara einn af þessum leikjum. Ég hugsa að ég sé búinn að sjá svona 80% af leikjum liðsins á tímabilinu og ég verð mjög sjaldan fyrir vonbrigðum. Á morgun mæta Lakers gömlum tímabundnum-erkióvinum í Phoenix, með Tröllið Shaq í broddi fylkingar. Leikurinn hefst klukkan 20:30 að íslenskum tíma, og hægt er að horfa á hann á mörgum góðum stöðum. Ég spái öruggum sigri.

Lakers...

Ég er búinn að sjá flesta leiki Lakers á þessu tímabili og ég hlakkaði mikið til að sjá þá mæta Knickerboxers strákunum frá New York, en leikið var í Madison Square Garden í nótt. Þetta eru oftast skemmtilegir leikir, og Kobe hefur alltaf fundið sig vel í þessari höll.


Það var því með nokkurri eftirvæntingu sem ég settist niður klukkan 00:30 í nótt með kók með miklum klökum í glasi og saltstangir í skál.

Kobe, Gasol og Lakers voru heitir framan af og það stefndi augljóslega í eitthvað sérstakt. En nei nei nei, nettengingin mín dó um miðjan fyrri hálfleik, og það í fyrsta skipti, og ég gaf mér ca. klukkutíma í að reyna að laga málið, en ekkert gekk. Ég missti því af þessu - sem er leiðinlegt - og svo þegar ég vakna í morgun er tengingin komin í lag!

Til að gera langa sögu stutta þá unnu Lakers örugglega - Kobe skoraði 61 stig á 37 mín og setti met í höllinni. Við sjáum myndband:

Good Times....

a) Napolí í toppbáráttunni á Ítalíu. Bestu leikmenn? Pass.

b) Barcelona að hitna á Spáni. Taplausir í síðustu 6 leikjum (5-1-0). Þrjú stig í toppinn. Barca verða meistarar í vor, það er loforð.

c) Liverpool á toppnum í Englandi, reyndar í öðru sæti á markamun. Meistarar í vor? Ég get engu lofað. Ég skal segja ykkur það 1. janúar.

d) NBA deildin fer að byrja og Lakers eru til alls líklegir. Liðið verður ógnarsterkt í ár, og ef það verða engin stórkostleg meiðsli eða aðrar hörmungar, þá lofa ég titli í júní á næsta ári.

USA Basketball

RÚV sýnir eftirfarandi leiki með bandaríska landsliðinu í körfubolta:

Sunnudagur 10. Ágúst
14.10 Körfubolti karla, Kína-Bandaríkin beint

Fimmtudagur 14. Ágúst
12.35 Körfubolti karla USA – Grikkland 11.50-13.45, seinkað

Laugardagur 16. Ágúst
14.40 Körfubolti karla Spánn-USA seinkun 20-30 mín

Sjá nánar hér.

Tvennt

1) Randy Pausch er dáinn. Ég bloggaði tvisvar um þennan kappa, hér og hér. Heillandi persóna.

2) Sasha THE MACHINE Vujacic er að gera 3 ára samning við Lakers. Það gleður.

Later

NBA bloggið lokað?

Það virðist vera búið að loka NBA blogginu, bloggsíðu sem ég las daglega og hafði mjög gaman af.

Ég heyrði einhverjar óljósar sögur um að þetta tengdist einhverri eiturlyfjaumræðu!!!

Veit einhver minna lesenda meira um málið og getur frætt mig?

Lakers - Boston, game 5

Fimmti leikur í kvöld!

Fjórði leikurinn var náttúrulega algjört bull og örugglega eitt versta tap sem mitt lið hefur mátt þola í íþróttasögunni. Að láta menn eins og Eddie House og James Posey vinna þig er skammarlegt. KB24 stóð ekki undir nafni sem besti leikmaður deildarinnar.

En þetta er ekki búið fyrr en þetta er búið. Allir 4 leikirnir hingað til hafa verið jafnir og það getur allt gerst. Stemningin og baráttan er hins vegar öll Boston megin og þeir virðast vilja þetta meira en Lakers. Lakers skortir stöðugleika frá sínum helstu mönnum.

Ég er hættur að spá en ég vona bara að menn mæti til leiks, girði sig í brók og berjist, stígi út í fráköstum, skutli sér á eftir lausum boltum og sýni smá lit. Ég fer ekki fram á meira.

Áfram Lakers.

Ferðalag...

Hagnaðurinn brá sér í ferðalag austur á land í vikunni og naut veðurblíðunnar, skoðaði landið og hitti ættingja. Mjög gaman. Meira um það síðar.

En mál málanna er NBA Finals.
Staðan er 2-1 fyrir Boston og Lakers á undir högg að sækja. Eftir 2 töp í Boston (þar sem dómararnir gerðu sitt til að hjálpa grænum (það er staðreynd, ekki kenning)) unnu Lakers á heimavelli.

Leikur 4 er í kvöld, og þar munu Lakers jafna.

Áfram Lakers.

Lakers - Boston

Spennan er mikil. Nú eru aðeins 2 dagar í að úrslitin hefjist.

For the record: Lakers vinna 4-1, eftir að Boston vinna fyrsta leikinn.

Hvað segja menn, spár?

THE MACHINE

Lakers unnu SAS í leik 5 í úrslitum vesturdeildar NBA og komust þar með í úrslit, þar sem VIÐ mætum Boston.

Mér finnst Lakers ekki hafa spilað neitt sérstaklega í úrslitakeppninni hingað til, en menn vestanhafs eru margir hverjir að tapa sér í hrósi.

The way Kobe singlehandedly assassinated the Spurs in Games 1 and 5 was something we've only seen from a handful of players in NBA history. You can't say enough about it. He has become the player we always wanted him to be.

Það sem mér fannst skemmtilegast við leik 5 var þegar Sasha THE MACHINE negldi niður þristi þegar tíminn var að renna út. Lakers voru 5 stigum yfir, Spurs hættir, og menn dribbla vanalega bara tímann út. En ekki THE MACHINE. Hann er svo mikil vél að þegar hann fær opið skot þá tekur hann það, sama þótt leikurinn sé búinn. Þvílík VÉL.

Það er talið að þetta hafi kostað margan manninn dágóða summu.

Lakers og golf...

Game 6 hjá Lakers og Utah í kvöld (nótt)!

Ég er búinn að sjá alla leikina í seríunni, og sá flesta leikina gegn Denver, og ég er að fíla Lakers. Nokkrir punktar:

*Kobe hefur verið stjarnfræðilega góður, bæði í vörn og sókn, og er að bera liðið á meiddu baki sínu.
*Odom hefur hins vegar verið maðurinn. Hann á hvern stórleikinn á fætur öðrum.
*Gasol er ágætur sóknarlega en slakur varnarlega og alltof slakur frákastari miðað við hæð. Svo vælir hann soldið mikið sem er leiðinlegur ávani.
*Fisher hefur svo verið mjög solid þrátt fyrir villuvandræði.
* Aðrir hafa spilað langt undir getu; menn eins og Radman, Farmar sérstaklega, THE MACHINE, Turiaf og Luuuuke. Við eigum þá inni.

Utah er líklega eitt leiðinlegasta lið sem ég hef séð spila. Fyrirliði leiðindanna er klárlega Matt Harpring. Ef Óli Þórðar væri körfuboltamaður, þá væri hann Harpring.

... nema hvað. Á miðvikudaginn vakti ég til 05:30 að horfa á mína menn leggja Utah í game 5. Klukkan 10:00 var á svo mættur á teig á Korpunni, eftir 3 tíma svefn. Ég mæli ekki beint með því.

Ég var lélegur.

Spá fyrir kvöldið: Lakers sigra með 15 stigum, 113-98.

NBA Playoffs - First Round, spá:

Lakers - Nuggets:
Ég er ekkert sérstaklega hrifinn af hnetum, húðflúrum, vitleysingum, því að keyra fullur, byssueign og þeirri staðreynd að bimbóið sem kærði KB24 á sínum tíma var frá Denver. Þetta verður personal, en um leið family style. Lakers vinna 4-0.

Jazz - Rockets:
Mormónarnir eru með heimavallaréttinn og ég hugsa að það skili þeim langt. T-mac hefur aldrei komist uppúr 1. umferð playoffs. Í fyrra grét hann. Núna ælir hann. Stóra spurningin er hvernig Skip to my Lou kemur undirbúinn. Jazz vinnur 4-3.

Spurs - Suns:
Ég set peninginn minn á Spurs. Þeir eru með þrjá sterka sem delivera alltaf. Suns er meira spurningamerki. Hlunkurinn ekki sami hlunkur og hann var, Steve Nash er ekki með neinn back-up, Grant Hill á enn eftir að meiðast á leiktímabilinu og Raja Bell er fáviti. Stat er hins vegar að spila vel, og enginn hleypur hraðar en Barbosa. Spurs vinna 4-2.

Hornets - Mavericks:
Ég vona að Dallas tapi, en ég hugsa að þeir vinni. Dallas vinnur 4-2.

Austrið:
Lið 1-4 vinna örugglega.

"Líf mitt er frábært. Ást mín er hrein. Ég sá engil. Ég er viss um það. Hún brosti til mín í neðanjarðarlestinni..." Þetta lag verður ekki þreytt.

* Róleg helgi framundan. Barnaafmæli í dag. Dagur Tjörvi orðinn 8 ára og Þórey Hildur 3 ára. Tíminn líður. Hratt.

* Lakers eru búnir að tapa 2 síðustu leikjum. Báðum á heimavelli. Gegn Charlotte og Memphis. Ég er ekki alveg að skilja. Vinnum bestu liðin en töpum fyrir þeim ömurlegu. Pau and Andrew, I know you read this blog. Get healthy ASAP.

* Hjól er alveg málið þessa dagana. Núna er ég búinn að hjóla í vinnuna (og heim) 6 af síðustu 7 vinnudögum. Af hverju að hjóla? Það er gaman að hjóla, það er heilsusamlegt, náttúruvænt, það sparar bensínútgjöld, útrás, góður tími til að hlusta á tónlist, o.s.frv. Neikvætt við að hjóla? Mótvindur og glerbrot á gangstéttum. Ha, Gísli Marteinn?

* 14 dagar komnir í tóbaksbindindi. Gengur vel. Heimildir herma að dollan í sjoppu einni hér í bæ er kominn í 1500 kall. Greinilegt að sölumaðurinn heldur úti litlum lager og þarf því að velta hækkun sænsku krónunnar beint út í verðlagið.

Lebron...

Ég fór í Madison Square Garden á föstudaginn og sá heimamenn í NY Knicks mæta Lebron James og félögum í Cleveland Cavaliers. Þetta var alvöru leikur! Lebron með 50 stig, 10 stoðsendingar og 8 fráköst.



"one of the best nights of James' career" "To get a standing ovation in the greatest basketball arena in the world, it was a dream come true for me. It's one of the best things that ever happened to me."

Það var sérstaklega skemmtilegt að sjá sjálfan Ari Gold, stundum kallaður Jeremy Piven, sitja á fremsta bekk og spjalla við Lebron þegar leikurinn var stopp. Þetta gerðist trekk í trekk eftir að Lebron var kominn með yfir 40 stig. Það var eins og hann væri að mana Lebron. Ari Gold er náttúrulega snillingur.

Annars var takmörkuð stemning í húsinu fyrir heimamönnum, enda geta þeir ekki blautan skít. Mesta fagnið átti sér stað þegar það voru sýndar myndir af leikmönnum NY Giants sem voru í húsinu og einnig þegar celebin voru sýnd. Þau voru nokkur.

Annars bara flottur leikur og geðveik höll.

Áfram körfubolti.

Frábær íþróttahelgi...

* Lakers pakka Clippers saman.
* Liverpool vinnur. Torres með þrennu. Besti framherjinn í ensku deildinni! Er hann þá betri en Cristiano?
* Barcelona vinnur. Eto'o með þrennu. Er hann betri en Torres?
* Real Madrid tapar, og það á einu skemmtilegasta marki ársins. Forskot Real er komið í 2 stig.
* Napolí vinnur á útivelli. Þetta var aðeins annar útisigur liðsins á tímabilinu. Vel gert.

100% árangur!

Gömlu góðu Barcelona...

Barcelona mættu Celtic á gríðarlega erfiðum útivelli í kvöld í 16 liða úrslitum meistaradeildarinnar og unnu 2-3; fyrri leikur. 60.000 bandbrjálaðir Skotar tóku vel á móti þeim.

Það er skemmst frá því að segja að Barcelona sýndu stórkostleg tilþrif í fótbolta, vægast sagt. Þvílíkt lið. Skoðum fyrst smá tölfræði úr leiknum.
* Marktilraunir: 5-24
* Possession: 28% - 72%
* Horn: 1-8

Mörkin:
1-1 (Messi litli): Hraðabreyting, þríhyrningur við Deco, tekur varnarmanninn á sprettinum og klárar með smá heppnisstimpli við hægra markteigshornið.
2-2 (Henry): Signature mark. Barcelona vinna boltann framarlega á vellinum, Dinho rennir honum á Henry sem leikur upp að vinstra vítateigshorninu og smellir boltanum í hægra hornið uppi með smá snúning. Glæsimark.
2-3 (Messi litli): Eto'o með lélega sendingu inní teig frá hægri og boltinn hrekkur af Celtic manni beint á Messi rétt fyrir utan markteiginn. Messi klárar svo færið snilldarlega með frábærri gabbhreyfingu og eldsnöggu skoti í fjærhornið.

Spilamennskan:
Barcelona voru gríðarlega einbeittir og menn létu boltann ganga býsna vel; líka Messi og Dinho. Flæðið á boltanum var með ólíkindum. Það kom smá tölfræði á skjáinn þegar ca 10 mínútur voru eftir. Þá voru Barca menn búnir með 500 sendingar (82% á samherja) gegn 162 (60% ca) hjá Celtic. Varnarmennirnir reyna alltaf að spila útúr vörninni og undantekningar að sjá yfir 30 metra sendingar.

Framlínan var beitt og vinnusöm og mörg af bestu tækifærum Barcelona sköpuðust eftir baráttu framherjanna. Þeir voru Dirk Kuytar varnarlega, en global hnífar sóknarlega á meðan Dirk er Ikea hnífur.

Já, og Liverpool unnu í gær góðan 2-0 sigur á Inter og Lakers eru á siglingu. Það eru góðir tímar þessa dagana.

Molar....

* Gamli... góði villi.

* Gamall fótboltafélagi í USA er að gera það gott. Frábært hjá honum. Ég man einu sinni þegar hann gisti hjá BK, vaknaði snemma og stalst í tölvuna og....

* Lakers. Ég sá Lakers leggja Orlando af velli á föstudaginn og svo Miami í gærkvöldi. Það snöggkólnaði í Florída á tveimur dögum. Ég er að fíla Lakers þessa dagana. Þeir eru ljósið í myrkrinu hjá mínum liðum. KB24, Odom, Pau, Turiaf, Farmar og svo Bynum þegar hann kemur aftur. Þetta er alvöru lið, og bíðið bara eftir að Coby Karl springur út. Djöfull er ég að fíla þetta. Það heyrist lítið í Bulls mönnum þessa dagana. Það var flottur monster samningurinn sem þeir gerðu við Ben Wallace á sínum tíma.

* Liverpool. Þvílík skita. Reyndar voru þeir betri gegn Chelsea á brúnni, þrátt fyrir að vera einum færri allan tímann, en betur má ef duga skal. Ég vil fá Benitez burt eftir þetta tímabil.

* Ég lýsi yfir stuðningi við Barack Hussein Obama.

* Ég vil fá Villa burt og það strax. Það tekur enginn þennan gæja alvarlega lengur. Í vinnunni hjá mér í dag var hlegið að honum og það var veðjað: Mun hann klökkna? Verður hann með kolluna? Mætir hann á fundinn?

* Ég er í heilsuátaki og er búinn að vera í því í tæpan mánuð. Ég mæti í Laugar svona 4 sinnum í viku, hleyp, skíðavélast og tek aðeins í lóð. Ég er búinn að minnka gosdrykkju um rúmlega helming. Núna drekk ég vatn með lime. Það er býsna gott. Ég er farinn að sjá árangur og er þegar hálfnaður að markmiðinu, sem var að losna við 5 kíló fyrir lok mars. Mælanleg markmið eru bestu markmiðin. Reyndar segir Bryan Tracy að markmið eigi að vera skrifleg, en þetta er skrif að í kollinn, já og á bloggið hér með.

* Efnahagsmál: Krónan veikist og veikist, evran er að detta í 100 kall og bandaríkjadalur í 70. Svo sem ekkert óeðlileg gildi en samt kemur þetta við budduna á þeim sem eru með erlend lán og ekki síður þeim sem eru með innlend lán. Það er nefnilega þannig að ca 40% af neyslu landans kemur frá innfluttum vörum og nú eru hækkanir framundan = hærri verðbólga = verðtryggð lán hækka. Allir tapa. Hrávörur hafa einnig hækkað gífurlega á síðustu 12 mánuðum; olía, hveiti, sykur, korn, o.s.frv. Hækkanir á matvælum eru framundan, ekki spurning. Verðbólga eykst enn frekar. Húsnæði er líklega að fara að lækka, hlutabréf hrynja, stýrivextir eru í hámarki, einkaneysla dregst saman. Hvað gera bændur? Hvað gerir Davíð?

New York - NBA - Lakers

Ég er að fara til NY núna í lok febrúar og verð í viku. Fyrst mun ég eyða helgi í e-ð chill og síðan sæki ég þetta námskeið í 4 daga.

Stefnan er sett á 2 NBA leiki í Madison Square Garden. Fyrst mæta New Orleans Hornets í heimsókn á mánudeginum og síðan eru það Lebron James og félagar í Cleveland Cavaliers á miðvikudeginum. Bæði fín lið sem hafa verið að spila vel uppá síðkastið. Það sama má ekki segja um heimamenn í Knickerboxers. Ég hlakka til að fara í Garden.

En frétt fréttanna og mál málanna er hins vegar koma Pau Gasol til Lakers, og ekki síður brotthvarf Kwame Brown frá Lakers. Bæði frábærar fréttir. Lakers eru núna officially komnir í hóp þeirra liða sem geta unnið titilinn í ár. Svo horfði ég á Kobe setja 46 stig í nótt gegn Toronto. Lakers er málið þessa dagana, hin liðin mín ekki.