Kolbrún Halldórsdóttir...

Er Kolbrún Halldórsdóttir.

Frændi Elishu...

Billy Joe Cuthbert - Kobe rivalry.

Viðbjóður til sölu...

Ásgeir Kolbeins, a.k.a. Rauði Turninn, hefur sett íbúðina sínu á sölu. Hann vill fá litlar 33,9 mkr fyrir 93 fm2 íbúð. Það gera ekki nema 364 þús per. Það er nú ekkert fyrir svona fræga íbúð. Svo er hún líka með innbyggt sjónvarp í vegg. Það sér maður ekki víða.

Í öðrum fréttum - feministafréttir.

Ágætis byrjun...

Ég er að passa (konan í ræktinni) og ákvað að gera smá tilraun.

Kristín María hefur nánast eingöngu hlustað á einn geisladisk frá því að hún fæddist (fyrir 19 mánuðum), en það er hinn frábæri Obbosí með Kristjönu Skúladóttur, en hann inniheldur smelli eins og 'Hvað heitir þú', 'Obbosí' og fleiri. Auk þess hefur hún farið reglulega í sunnudagsskólann með ömmum sínum og móður og hlustað á þau lög og áróður sem þar fer fram. Sprengja.

En núna er kominn nýr áróður. Í tækinu er Ágætis Byrjun með Sigurrós. Klárlega besta íslenska plata sem gefin hefur verið út, og líklega á topp 10 yfir bestu plötur allra tíma. Og hvað gerðist? Jú, dóttirin hefur aldrei verið duglegri við að leika sér ein. Situr hérna á gólfinu, kubbar, og moppar þess á milli.

Á meðan blogga ég og edita síðuna.

Breytingar

Núna kann ég ekki mikið í html, en kann þó að fikta.

Núna er ég búinn að gera smá breytingar, hreinsa út sidebarið hægra megin og breikka textann. Er þetta ekki betra?

Annars þarf ég að fara að fá mér alvöru síðu. Verst að .is síðurnar Haukur og HSH eru fráteknar.

Haukur.com gæti gengið. Hvað kostar slík síða?

Sóley og Katrín Anna

Þessi færsla er í boði Sóleyjar Tómasdóttur og Katrínar Önnu, vopnafeminista!


Harpa var svo sniðug að kaupa barna-moppu handa Kristínu Maríu í NY í haust. Á þessari mynd sýni ég henni réttu tökin. Það er mjög mikilvægt að hafa báðar hendur á skaftinu og vera beinn í bakið og taka síðan jafnar strokur í sveig.



... en pabba moppa var stærri, og því betri.

Ég nenni þessu kjaftæði ekki lengur. Ég ætla að fá mér sleikjó, chilla í Dóru stólnum mínum og horfa á Dóru.

Köben - Parken - Andfótbolti - Icejet

Ég var svo heppinn að vera boðið til Kaupmannahafnar í síðustu viku. Fjórða utanlandsferðin á árinu staðreynd og ég held að það sé einhvers konar met hjá mér. Gæti verið tie. En þessi ferð var öðruvísi.

Fyrir það fyrsta flugum við (19 manna hópur) með einkaflugvél frá Reykjvíkurflugvelli. Þetta var mín jómfrúarferð í svona vél og þetta er ansi þægilegur ferðamáti. Bara mætt korteri fyrir flug og ekkert vesen. Rúmgóð sæti, sami hraði og allt miklu betra en venjulega. Ég get vel skilið að milljarðamæringar landsins skuli kaupa sér svona vélar.

Við lentum í Hróarskeldu og keyrðum inní bæ þar sem við vorum kynnt fyrir nokkrum sjóðum Carnegie. Að því loknu lá leiðin uppá hótel D'Angleterre, en það er nú í eigu Íslendinga, eins og svo margt í Danmörku. Virkilega huggulegt hótel á besta stað í bænum.

Síðan var borðað á Auberge, sem er staðsettur skammt frá Parken. Flottur staður en ömulegur matur og svo illa útilátið að ég fékk mér 2 pullur á vellinum, 30 mínútum síðar.

Leikurinn var hræðilegur. Völlurinn hálf-tómur, stemningin engin, og spilamennska beggja liða til skammar. Andfótbolti live. Svo eru blöðin hérna heima að tala um einhver batamerki á leik liðsins! Þvílíkt bull og vitleysa. Það eina sem hlýjaði mér um hjartaræturnar á vellinum voru Carlsberg bjórar baunanna.

Að leik loknum var farið á Bar Rouge á Skt Petri hótelinu. Þar var fullt hús og bara Íslendingar. M.a. var þar mættur Skúli vinnufélagi minn sem var í Thanksgiving fríi frá skólanum sínum í Nashville. Það sem þetta unga fólk getur leyft sér í dag. Hann var hress og við skáluðum. Barinn lokaði klukkan 02:00 am. Þá fékk einhver (ekki ég) þá snilldarhugmynd að fara á næturklúbb! Og við fórum á Kakadu. Kakadu er hóruhús þar sem meðalaldur starfsfólksins er einhvers staðar á milli 40 og 50. Líklega subbulegasti staður sem ég hef nokkru sinni komið inná og 5 mínútna stopp leið hægt.

Á röltinu uppá hótel rákumst við svo á íslenska landsliðið á barnum (írskum bar skammt frá ráðhústorginu). Reyndar rákumst við bara á Íslendinga þetta kvöld. Og meðan ég man; heimildir herma að Eiður Smári hafi spilað sinn síðasta landsleik.

Niðurstaða:
Óvænt og frábær ferð.
Töff að fljúga í einkaþotu.
Kaupmannahöfn búin að missa sjarmann.
Bjórdrykkja veldur þynnku.
Íslenska landsliðið er slakt.
Haldið ykkur frá hóruhúsum.

Djöfull át ég...

Ég held ég hafi aldrei innbyrgt jafn margar hitaeiningar á jafn skömmum tíma og þessa helgi.

a) Jólahlaðborð hjá Sigga Hall á föstudaginn. Vel lukkað hjá Sigganum. Hlaðborð en maturinn samt borinn á borð á bökkum. Afbragðs matur, gott úrval og skemmtilegur félagsskapur (vinnan). Á undan var smá kokteill og salsa-kennsla. Ég verð að segja að ég er ömurlegur dansari edrú. En í glasi, það er önnur saga.

b) Serrano + barnaafmæli á laugardaginn. Nokkrar einingar þar.

c) Í hádeginu í dag fór ég svo í jóla-brunch á Vox ásamt Food And Fun crewinu, og djöfull át ég. Óendanlegt úrval af framúrskarandi mat fyrir 2900 kall. Og það sem meira er; þeir eru með súkkulaðigosbrunn. Galli: Alltof mikið af fólki og röðin eftir því. Trikk: Mæta klukkan 11:30 eða 12:35.

Niðurstaða: Ræktin á morgun.

Myndir!

Monsan orðin stór og kominn með krullur eins og pabbi sinn (þegar hann hafði hár)


Háttatími!


David Bowie?


Ákveðin...

Lakers 106 - Bulls 78

Þetta er gaman - double gaman!

Lakers vinna OG Bulls tapa, og það í sama leiknum.

Það er gaman að vitna í Sigurjón af þessu tilefni:
Sko, Lakers er að fara að tapa fyrir San Antonio í næsta leik þannig að þá er LAL komið í 50% hlutfall. Sem gerir það að verkum að 50% hlutfall og svona sjálfskarfa er mun verra en 1-5 start.

Ok, Lakers töpuðu fyrir SAS en hafa síðan unnið 3 leiki og eru núna 6-3. Það er betra en 2-7, er það ekki?

Og hvað er með Luuke? Farinn að klobba menn hægri vinstri og sjálfan sig með.
Sæll, já fínt.

Áfram Luke.
Áfram Lakers.

Tvær góðar bíómyndir...

a) The Lives of Others. Gerist í Austur-Þýskalandi fyrir fall múrsins og fjallar um njósnir stjórnvalda á hættulegum borgurum. Klárlega ein af betri myndum síðustu ára.

b) Wake up, Ron Burgundy. Þetta er einhver samtíningur úr deleted scenes úr Anchorman. Mjög fyndin mynd sem fjallar ekki um neitt.

Prikið vs Grái Kötturinn...

Ég hef farið nokkrum sinnum í trukkinn á Gráa Kettinum og líkað vel. Á dögunum bloggaði Dr. Gunni um að ameríski morgunmaturinn á prikinu væri miklu betri og ódýrari en á Gráa. Ég fór því ásamt nokkrum vinnufélögum á Prikið síðasta föstudag til að kanna málið.

Prikið: Ég fékk mér vörubíl, sem inniheldur ca það sama og trukkurinn á Gráa Kettinum, þ.e. 2 egg, 5-6 beikon, pönnukökur, ristað brauð og kartöfluteninga. Fyrir þetta borgar maður 1190 kr (drykkur ekki innifalinn). Þetta var súper gott á Prikinu og vel útilátið. Reyndar var þetta svo vel útilátið að ég náði ekki að klára matinn + næsta máltíð sem ég borðaði var kvöldverður. Góður matur, sæmilegt verð en ultra-hæg þjónusta.

Grái: Trukkurinn er klassík. Hann er passlega stór og helsti munurinn vs Prikið liggur í pönnukökunum, því þær eru meira svona lummur á Gráa. Einnig er Grái með e-ð tómatpúrrudót sem ekki var á Prikinu. Verðið er ögn hærra á Gráa, en þegar þú ert kominn með stórt djúsglas þá munar einhverjum tíköllum. Einnig mjög hæg þjónusta á Gráa.

Niðurstaða: Jafntefli.

Sódóma vs Veggfóður

Ég horfði á þessar tvær myndir fyrir helgi, og það í fyrsta sinn í langan langan tíma.

Sódóma: Frumsýnd fyrir 15 árum og þótti þá sniðug. Myndin er enn sniðug og eldist einstaklega vel. Nokkrir leikarar fara á kostum, og þá helst Aggi Pó og Brjánsi. Einnig gaman af Sigurjóni Kjartanssyni - þvílíkur leikari. 75/100 *

Veggfóður: Einnig 15 ára gömul mynd. Þetta er sko slök mynd. Söguþráður, leikur, kvikmyndataka, tónlist, og allt annað í molum. Ingibjörg Stefánsdóttir er líklega ein lélegasta leikkona Íslandssögunnar. Dóra Takefusa strippar og segir ekki orð. 10/100 *

NBA punktar...

* Lakers (4-3) eru að koma mér á óvart í ár. Ég satt best að segja bjóst ekki við miklu af mínum mönnum. En lið sem er með Kobe Bryant í sínum herbúðum á alltaf möguleika á sigri. Núna eru Lakers búnir að spila við Houston (2), Utah, San Antonio og Phoenix - allt sterk lið - og hafa komið vel útúr þeim leikjum (3-2). Hugsanlega er að koma í ljós það sem ég hef lengi vitað, og Mark Jackson, vitringurinn sjálfur, er sammála mér!

* Boston hafa komið sterkir til leiks, en endast þeir? Ég held ekki.

* Chicago Bulls (1-5) eru í ruglinu og aðeins Miami Heat með hlunkinn O'neal (1-7) eru í meira rugli. Áhorfendur á heimaleikjum Bulls eru farnir að kalla Kobe-Kobe-Kobe. Hvað ætla Kobe höturum/Chicago Bulls aðdáendum finnist um það? Þeir eru nokkrir þarna úti sem ég þekki.

* Seattle Sonics (1-8) hafa farið mjög illa af stað, og þeir geta þakkað O'neal, Smush Parker og félögum í Miami fyrir sinn fyrsta sigur. Biggington, any comments?

* NY Knicks (2-5)? Mig langar að vitna í Bill Simmons: "Reason No. 12,356 why I love the NBA: The Curry-Randolph combo marks the first time in NBA or WNBA history that a team has started two C-cups at the same time."

Mánudagur...

24 - árið 1994.

Top Gun Recut.

Gay Top Gun.

Signature pizza...

Í gær prófaði ég að gera nýja pizzu og mér þótti takast svo vel til að þetta mun framvegis verða mín signature pizza. Fyrirmynd pizzunnar er The Original Barbeque Chicken frá California Pizza Kitchen en ég fékk mér einmitt svona í Baltimore núna í október. Afbragð. Uppskrift fylgir:


Botn (þetta eru ca tvær 10 tommur):
2,5 dl hveiti
2,5 dl durum hveiti
3 tsk þurrger
1 tsk salt
1 msk olía
2 dl volgt vatn.
Aðferð: Þurrefnum blandað saman, vatni og olíu bætt við, hnoðað, látið hefast í min(30 mín). Mjög einfalt.

Pizzan: Deigið flatt út í mjög þunnan botn, BBQ sósu dreift á botninn, því næst sett slatta af mozzarella osti. Svo er sett smátt skorinn rauðlauk yfir ostinn. Kjúklingurinn er skorinn niður í litla bita og steiktur í BBQ sósu á pönnu og síðan dreift yfir pizzuna. Að lokum er sett slatta af kóríander og toppað með meiri osti. Það er mjög mikilvægt að setja mikið af kóríander.

Þetta er síðan bakað í ofni við ca 200 gráðu hita þangað til osturinn er farinn aðeins að brenna (ca. 15 mín).

Það var ekkert,
Hagnaðurinn

27

Ég ræddi um maraþonhlaup á þessari síðu á sunnudaginn. En það er ekki nóg að tala, það þarf líka að framkvæma.

Ég er því búinn að hlaupa í þessari viku, alla 5 daga vikunnar.

Mán (6 km)
Þri (7 km)
Mið (6 km)
Fim (6 km)
Fös (2 km)

Samtals gerir þetta 27 km, og það á fimm dögum. Það eru því enn rúmir 15 kílómetrar í land. Setjum þetta í samhengi. Ég er að fara að hlaupa til Selfoss frá heimili mínu í Norðlingaholtinu og er ca. kominn í kambana. Ég reikna með að koma á Selfoss, heimili að aðsetur íslenska hnakkans, um miðjan dag á miðvikudag. Þá er eitt maraþonhlaup komið í hús.

Sálin (ekki hljómsveitin)

Tveir ungir menn voru að ræða sín á milli í 10-11 núna áðan. Ég hleraði þá óvart. Þeir voru að ræða um tilvist sálarinnar!

Drengur: "Já, en nú hefur t.d. verið sannað að fólk léttist þegar það deyr, sem hlýtur að sanna að sálin sé til og yfirgefi líkamann".

Já.
Nú er talað um að sálin sé 21 gramm. "They say that we all lose 21 grams at the exact moment of death" er einmitt lína úr myndinni frábæru 21 Grams.

En er þetta ekki bara bull. Ég held það. Nú er ég ekki vísindamaður, en tel mig hafa ágætis rökhugsun, og þetta meikar ekki sens.

Niðurstaða: Sálin hefur engan massa.

Já fínt - já sæll

Nú styttist í golf-seasonið og því um að gera að byrja að teigja vel á höndum og muna - rassinn út.

Höfundaréttarmál

Þetta var skrítin umræða í kastljósinu í kvöld. Ég er allavega engu nær um málið.

Colts - Patriots í gær!

Highlights.

* Það er ekki hægt að halda með liði sem heitir Patriots, það er bara ekki hægt. Sérstaklega þegar Mr. American Dream spilar sem QB.
* Það er erfitt að horfa á heilan leik sem Henry Birgir lýsir. Hann er einfaldlega ofsalega leiðinlegur maður. Auk þess er hann KR-ingur.
* Ameríski lýsandinn var í æðislegum vandræðum með bindið sitt í hálfleik. Við fengum að fylgjast með.
* Randy Moss var með fáránlegt one-hand-catch í leiknum. Með því flottara sem maður sér í þessari deild. Þetta er eins og að skora hjólhest í fótbolta.
* Mínir menn í Tampa Bay leiða sinn riðil. Ég vænti mikils af þeim á leiktíðinni.

Fyndið!

Þetta er fyndið:


Ninja Parade Slips Through Town Unnoticed Once Again

Þetta er samt margfalt fyndnara...

Lakers - KB24

Það er búið að vera stuð að vera Lakers fan í sumar. Kobe er að fara - Kobe er ekki að fara. Nett svona Gerrard stemning. En núna allavega er komið smá hold á það mál. Hann er allavega ekki að fara til Bulls eða Mavs á næstunni. Menn geta því farið að einbeita sér að körfubolta. Og menn hafa gert það.

Game 1: Tap fyrir Houston heima.
Kobe með ágætan leik, en gamli Duke-arinn Shane Battier skorar viðbjóðs Helga Magnússon style körfu sem klárar leikinn. 2 stiga tap.

Game 2: Öruggur sigur gegn Phoenix úti.
Léttur leikur á útivelli gegn Kyrrahafsmeisturum 2006-2007. Varamenn Lakers stíga upp og skora yfir 60 stig.

Game 3: Baráttusigur gegn Utah.
Kobe gerir sitt, en aðrir leikmenn (þar á meðal Bynum) eiga góðan leik og Lakers vinna því góðan sigur á meisturum Norðvesturriðilsins frá því í fyrra.

Næsti leikur: Heima gegn New Orleans (3-0). Skyldusigur!

Að lokum: Chicago hafa farið illa af stað og hafa tapað öllum sínum leikjum (0-3). Ég veit að það gleður marga. Þar á meðal mig.

Maraþonhlaup...

Ég var að láta mér detta í hug að taka þátt í maraþonhlaupi eftir 2 ár, þegar ég verð þrítugur. Hugmyndin er á frumstigi, en ef ég læt verða af þessu þá kemur eingöngu New York maraþonið til greina, en það er einmitt í dag.

42 km er náttúrulega crazy langt.

Fyrsti maðurinn sem hljóp þessa vegalengd dó úr þreytu, annar maður lést á dögunum, vinnufélagi minn hljóp Berlínar maraþonið um daginn, og er enn að drepast í löppunum, nokkrum vikum síðar. Þannig að þetta er drullu erfitt - það segir sig sjálft. En þetta er gerlegt, og það er aðalatriðið. Hliðar-atriði er væntanlega að klára þetta á sómasamlegum tíma; undir 4 klst.

New York maraþonið - haust 2009!

Þar höfum við það - skriflegt markmið, Brian Tracy style.

Hverjir eru með?

Mugiboogie

Það er búið að vera stuð um helgina.

Í gær stóð ég fyrir smá Amazing Race í vinnunni. Það var skipt í lið og hlaupið útum allan bæ og leyst þrautir. Meðal annars var sungið þjóðsönginn á Austurvelli, leikinn leikþáttur úr verki Shakespears við Þjóðleikhúsið, gert armbeygjur og drukkið bjór á Laugaveginum, synt í Sundhöllinni, borðað sviðakjamma á BSÍ, og fleira og fleira. Nokkrir ældu í æsingnum. Síðan var endað í pottunum í Vesturbæjarlauginni. Geðveikislega gaman!

Kvöldinu var svo að mestu eytt í kjallara B5. Það er huggulegt að vera þar og B5 líklegast einn af betri stöðum bæjarins. Ég hitti líka fullt af skemmtilegu fólki, m.a. gamlar bekkjarsystur úr grunnskóla/menntaskóla, gamla vinnufélaga, nágranna minn, Ommadonna, David Duchovny og fleiri. Ég gerði reyndar þau stóru mistök að fara á Oliver. Af hverju fer maður eiginlega ALLTAF þangað? Ógeðslega súr staður með ömurlegri tónlist og alltof mikið af fólki. Vandamálið er líklega það að ég fer svo sjaldan útá lífið, og langtímaminnið er ekkert sérstaklega virkt eftir slatta af áfengi, og ég man því bara ekkert að Oliver sé svona ömurlegur.

*****

Í dag er ég svo búinn að fara í 2 matarboð!

Fyrst buðu Meistarinn og Heiða okkur og fleirum í brunch þar sem hugmyndin var að kallar myndu horfa á tvö bestu sóknarlið alheimsins sýna listir sínar á meðan konur og börn myndu ræða um eitthvað sem konur með börn ræða um. Snilldarbrunch og pönnukökur Meistarans voru sérstaklega ljúffengar.

Í kvöld fórum við svo til stóru systur í mat. Þegar maður fer í mat þangað þá fær maður alltaf eitthvað sem maður hefur aldrei prófað áður og oftast bera réttirnir heiti sem eru ekki í íslenskum orðabókum. Núna fengum við t.d. einhvern organic ís í eftirrétt. Helvíti góður. En hér er vandamál. Núna er röðin komin að mér að halda boð og systir mínir og gourmet vinkona hennar eru væntanlegar á föstudaginn. Það þarf því að bretta upp ermar og byrja undirbúning. Núna dugar ekkert Jóa Fel drasl eða Hagkaups-bækurnar, nei nei. Hagnaðurinn þarf að fara í fusion eða e-ð þvíumlíkt. Kemur í ljós.

Að lokum mæli ég með andfótbolta síðunni. Hún fer að fara á almennilegt flug eftir vægast sagt hávært start.