Dagurinn í dag var afar góður...

...AFAR GÓÐUR DAGUR

Details later. Þið sem vitið vitið, en ekki kjaftið.

Hagnaðurinn

Eitt búið .... fjögur eftir....

... Lögfræðin að baki. Þungt próf þar sem maður veðjaði ekki alveg á réttu hestana. En maður getur víst ekki unnið allsstaðar.

Svo eru Vaxtaþróunarlíkön og afleiður næst. Sagði einhver Latína?

Það er eins gott að ég verði í mínu besta spádómsstuði og heppnis- og keppnisskapi þegar það verður tekið. Úffffffffffffffffff.

Björgólfur á eftir!
Seðlabankastjóri í dag!

Hann lengi lifi,
Hagnaðurinn

Kobe Bryant looked exhausted before and after the game...

... In between, he was brilliant

Lakers eru komnir í aðra umferð. Mæta þar S.A. Spurs.

Koma soooooooo.

Hagnaðurinn

Viðtal við Stefán Hilmarsson...

Skemmtilegasti kúrs sem þú hefur tekið við HÍ:
Allir afar skemmtilegir og fróðlegir, að frátalinni aðferðafræði, sem mér finnst frómt frá sagt afar óskemmtileg og lítt spennandi, sér í lagi tölfræðin. Þessi fræði eru vissulega að ýmsu leyti fróðleg, en mér finnst furðulegt að stjórnmálafræðinemum sé gert að sitja þrjá slíka kúrsa. Einn á að duga til að öðlast hæfilega innsýn, og svo væri sjálfsagt að menn gætu valið sér fleiri, ef þeir teldu sig hafa af því gagn eða gaman... Ég get ekki með nokkru móti séð að í framtíðinni muni koma sér vel fyrir mig að geta með handafli reiknað hallatölu, etu, Spearman’s r eða Guttmans lambda. En ef svo ólíklega vildi til að ég hefði þörf fyrir slíkt, myndi ég kaupa mér þjónustu einhvers sem tók alla þrjá kúrsana. Og að sjálfsögðu færi ég fram á að það yrði gert í höndunum, blaða- og tölvulaust.

Þetta þykir mér sniðugt.

Sammála kallinum,
Hagnaðurinn

Fyrsta próf á morgun...

... jájá.

Þættir í Lögfræði. Ekki alveg nógu spennandi.

Hagnaðurinn

Hagnaður ó Hagnaður....

... var að fá símtal frá Landsbankanum.

Góðar fréttir.
... nei, þeir buðu mér ekki starf.
... hins vegar vann ég helgarferð fyrir tvo til Evrópu með hóteli.

Líkurnar voru 1/4000.

Samt vann ég.

Heppni?

Nei,
Hagnaður

Kill Bill vs. Lakers....

Kill Bill er Kobe Bryant þegar hann skoraði yfir 40 stig einhverja 9 leiki í röð á síðasta tímabili.

Þannig var nú það.

Smart troðslan í gær yfir Steve Francis.... úúúúúúúúúú

Hagnaðurinn

Um lyf og lyfjamál...

... í fréttum undanfarið hefur verið fullt af fólki að kvarta yfir því hversu dýr lyf eru orðin. Aðallega er þetta eldra fólk.

Hagnaðurinn gæti verið með lausn við hluta af vandamálinu.
Svefnlyf hljóta að tilheyra öllum þessum umræddu lyfjum. Í stað þess að niðurgreiða þessi lyf eða hvað sem ríkið er að gera þá mæli ég með því að við 50 ára aldurinn fái allir gefins eintak af bók Andra Árnasonar, 'Réttarfar í Hnotskurn'. Þetta rit kostar einungis 600 kr. í Bóksölu Stúdenta og hreinlega rotar mann þegar maður byrjar að lesa, slík eru leiðindin.

Nú er bara um að gera fyrir aðra hugsuði þjóðfélagsins að redda öðrum lyfjum.

Hagnaðurinn hefur gert sitt.

Liverpool unnu ManUtd...

... í gær. Ég var glaður, en ekki himinlifandi. Þetta var leiðinlegur leikur, svo leiðinlegur að ég sofnaði.

... nú er verið að tala um að það eigi að selja Owen til Barcelona. Er ekki hægt að selja hann frekar til Real, já eða L.A. Galaxy.

Gríðarlega mikilvægur leikur hjá Lakers í kvöld, og ekki síður mikilvægur hjá Barcelona. Shit hvað ég er spenntur.

Hagnaðurin

Barry Manilow....

... ekki töff !!!
... semur ógeðsleg lög !!!

Idolið í gær...

...skrítið !!!

Í gær var farið í bíó...

... þetta var alvöru hópferð. Eins og um bekkjarferð hafi verið að ræða. Held það hafi verið 20 manns í hópnum. Bara rugl.

Kill Bill vol. 2 varð fyrir valinu.
Stórkostleg mynd. Besta mynd ársins. Saman eru vol. 1 og vol. 1 nálægt því að vera besta mynd allra tíma.

Ekki láta þetta framhjá ykkur fara.
Hagnaðurinn

Er þetta ekki Silli?

Íþróttahelgi....

... á laugardaginn er ManUtd - Liverpool klukkan 14.
... á sunnudaginn er Real Madrid - Barcelone klukkan 17:20
... á sunnudaginn er Houston - L.A.Lakers klukkan 19:30

Ég ætla ekki að missa af neinu af þessu.

Svo má að sjálfsögðu ekki gleyma 24 á sunnudagskvöldið.

Hva segirrru, próf framundan?

Damn it,
Hagnaðurinn

Á mánudaginn...

... eru bara 3 vikur í New York. Heppinn!

Klipping í dag? Kannski.

Seðlabankastjóri í dag? Kannski.

Sund í dag? Kannski.

Pizza í kvöld? Örugglega.

Sumar? Definitely.

Hagnaðurinn

Daginn...

... þá er Hagnaðurinn búinn að fá sér enn eitt emailið. Að þessu sinni er það hjá google. Netfang: haukur@gmail.com

Þeir eru að bjóða uppá 1000 megabæt frítt. Eiginlega of gott til að vera satt. Læt samt reynda á þetta. Fínt að hafa þetta mail fyrir stóra fæla og svona.

Þannig ef það eru einhverjir sem vilja senda mér músík eða annan viðbjóð þá bara nota haukur@gmail.com

Gott mál.
Hagnaðurinn

Til Sölu Til Sölu...

Hagnaðurinn hefur einstakan hlut til sölu. Þetta er lúft-kontrabassi sem ég keypti á tónleikum með Todmobile.

Hann hefur verið yfirfarinn að Eyþóri Arnalds og að hans sögn er hann "eins og nýr".

Bassinn er lítið notaður, léttur og skemmtilegur og gefur frá sér unaðsfagra tóna.

Öll tilboð verða skoðuð.
Hagnaðurinn

Sumarvísa

Á morgun er grill
Í tilefni sumars
Það verður sko chill
Hver er Joe Dumars?

Myrtle Beach fólkið
Kemur þá saman
Drukkin verður mjólkin
Verður þá gaman

Maður hefur greinilega engu gleymt.
Hagnaðurinn

Klipping....

... samkvæmt langtímaminni mínu (sem hefur verið nokkuð gott í gegnum árin (sumir gætu verið ósammála því)) hef ég ekki farið í klippingu í á 5ta ár.

Ég hef haldið mig við snoðinkollinn í þónokkurn tíma.

Nú er hugsanlega komið að tímamótum. Því ekki að bregða sér í klippingu uppá flippið. En þá er spurningin, hvað er töff í dag?

Ljóst er að ég fæ mér ekki Daða (Hnakka) - klippingu. Einnig finnst mér burstaklipping Liverpool manna ekki töff. Sítt að aftan virðist vera orðið töff, en það er ekki ég.

Ekki get ég litað, enda með fallega koparbrúnt hár.

Hvað er til ráða? Ég bara spyr?

Hanakambur kannski?
Hagnaðurinn

Var að taka frá mynd...

... á leigunni. Gott ef afgreiðslumaðurinn hafi ekki verið heitur. Sumar myndir eru einfaldlega betri en flestar aðrar.

Svo er framhaldið að koma í bíó. Hrikalega er ég spenntur.

Ding dong dei.
Hagnaðurinn

Gjörningar Björns Bjarnasonar...

... hafa verið ofarlega á baugi í þjóðmálaumræðunni á undanförnum dögum.

Boring.
Hagnaðurinn

Fyrsta golfferð ársins...

... var farin í dag. Hún er í frásögur færandi.

Hagnaðurinn vaknaði klukkan 6:30 í morgun eftir 5 tíma svefn. Stefnan var tekin á Hellu, sem er byggðarlag um 30 km austan við Selfoss. Þar skammt frá býr Fjölnir Þorgeirsson bóndi.

Með í för var Sigurður Óli Sigurðarson, einnig kallaður Langur og Grái Glæponinn. Ferðin hófst um klukkan 7:00 eftir að við höfðum báðir fengið okkur pítsu og kók í morgunmat; sem var tilviljun ein.

Ferðin gekk vel. Rétt við borgarmörkin mátti sjá snjó og eftir því sem austar dró þyngdi snjóinn, og var kominn skafrenningur á heiðinni. Það stoppaði okkur þó ekki heldur héldum við ótrauðir áfram með von um bjartara veður.

Fljótlega komum við að Selfossi. Þar var engin umferð. Hins vegar var þar gömul kona í morgungöngu. Hún sá ástæðu til að nota gönguljós þennan morguninn svo við myndum örugglega stoppa. Helvítis fífl hugsaði ég. Af hverju ekki bara að bíða í 3 sekúndur? Sveitapakk!

Veðrið batnaði eftir því sem austar dró. Hagnaðurinn hafði ekki farið svona langt í austur síðan hann var í Moskvu um árið, en það er önnur saga. Gaman var að sjá nýja brú við lengstu á Íslands, Þjórsá.

Við Hellu var komið ágætasta veður. Hella er samt ekki ágætur bæ. En þar er bensínstöð og KB-banki. Hver ætli hafi verið umsjónarmaður breytingamála þar? Hagnaðurinn kannski?

Þessi pistill átti víst að vera um golf. Höldum áfram.

Strandarvöllur heitir golfvöllurinn á Hellu. Hann er 18 holu völlur. Fyrir þá sem þekkja ekki íþróttina þá er það stöðluð stærð.

Enginn var á vellinum í dag nema við. Enda var þar brjálað rok og ískalt. Við létum það ekki stoppa okkur. Hagnaðurinn lætur fátt stoppa sig. Ekkert var greitt fyrir leik dagsins og kallast það hagnaður.

Golfið byrjaði vel eftir vetrardvala. Í húfi var 7 mánaða sigurganga mín gegn Gráa. Leikfyrirkomulag var holukeppni vegna skorts á skorkortum.

Til að gera langa sögu stutta bar Grái sigur úr býtum. Hann var vel að því kominn. Hann þekkti völlinn vel og var í betri æfingu. Hagnaðurinn mun hins vegar koma sterkari til leiks næst.

Heimferðin gekk vel þar til áfall kom uppá. Nánar verður greint frá því síðar.

Stuð- og golfkveðja,
Hagnaðurinn

Rólegt bara....

... Idol í kvöld.

... Pítsa í kvöld.

... Golf á morgun?

Víííha,
Hagnaðurinn

Keypti 10 mánaða kort ....

.... í Hreyfingu í dag. Kostar 2990 á mánuði. Mánaðarkort hefði kostað um 6000 krónur.

Það borgar sig að binda sig, en það er bindandi.

Kemst vonandi að því á morgun hvort ég verði Seðlabankastjóri.

Stay tuned.
Hagnaðurinn

Í dag...

... eru 2 vikur í fyrsta próf. Það er í Þáttum í Lögfræði. Ekki spennandi stöff.

Sá myndbandið með Nylon áðan. Þvílíkt rusl. Reyndar var lagið gott í upprunalegri útgáfu.

Lakers Lakers Lakers.
Já, allt er gott sem endar vel. Kobe búinn að vera eldheitur í síðustu leikjum fyrir utan einn leik, og bara allt í gúddí og orðnir Kyrrahafsdeildar-meistarar enn eitt árið.

Mæta svo Houston í fyrstu umferð. "Houston, you have a problem".

Hagnaðurinn

Kriskristofer fer og fer mikinn hér í commentakerfi...

... þar sem hann segir m.a.: svo játar þú hagnaður frammi fyrir alþjóð að þú horfir á myndir eins og gigli og crossroads en ekki hafðir þú áhuga á að sjá dawn of the dead, fuss og svei segi ég, fuss og svei.

Jájá, ég viðurkenni þetta alveg og skammast mín ekkert fyrir.

Hver ætlar að segja mér að Crossroads sé ekki þess virði að horfa á fyrir nærbuxnaatriðið? HVER?

Gigli er öðruvísi. Ég vissi að hún yrði alger vibbi, sem ég raunar vissi einnig og Crossroads. Málið er einfaldlega að stundum þarf maður að horfa á slæmar myndir til að læra að meta þær góðu.

Sama á við um tónlist og fleira. Eftir svona sjokk sem þessar myndir valda fær maður mikinn unað af að horfa á góða mynd.

Læt þetta nægja Saurmaður.

Kv. Hagnaður

Nú um páskana var haldin...

.... einhvers konar tónlistarhátíð á Ísafirði af öllum stöðum. Gott ef Mugison stóð ekki fyrir því. Mæting ku hafa verið góð.

Ein af þeim hljómsveitum sem spiluðu á þessari hátíð var "The Lonesome Traveller" sem fáir þekkja. Þegar betur er að gáð kemur í ljós að hljómsveitina skipa bæði Kjartan og Orri út hinni stórskemmtilegu hljómsveit Sigurrós, auk Maríu, en hún er í strengjasveitinni Amina, auk þess sem ég held að hún sé kærasta Kjartans.

Til að kynna sér tónlist þessa bendi ég á þennan link þar sem hægt að að hlaða niður músík á mp3 formi.

Meira svona.

Auk þess óska ég eftir einhverjum sem á nýja diskinn með Sufjan Stevens á tölvutæku formi eða á diski.

Kv. Hagnaðurinn

Klukkan að detta í þrjú...

... og kominn tími til að læra.

Tók daginn snemma í dag, brá mér í íþróttamiðstöð alþýðumannsins, Hreyfingu, og hljóp á hlaupabretti eins og rúmlega Seljahring, sem telst skv. mælingum síðustu 6 ára vera í tæpir 5 km. Einnig sá ég ástæðu til að fara á eitthvað annað tæki sem ég veit ekki hvað heiti, og eyddi þar 30 mínútum af lífi mínu.

Mér leiðist að lyfta lóðum. Heldur vil ég lyfta golfkylfum og sveifla þeim svo. Þá helst sjöunni.

Ég veit ekki hvort það hafi komið fram en mér þykir Mínus vera stórkostleg hljómsveit. Garg segja sumir. Músík segi ég.

Kv. Hagnaðurinn

Meira úr bókinni 'Listin að Lifa. Listin að Deyja'. Eftir Óttar Guðmundsson

Árið 1757 reyndi Fransmaðurinn Francois Damiens að drepa Lúðvík XV með litlum rýtingi. Hann var dæmdur til dauða. Hér á eftir fer lýsing af þessum dauðdaga:

Hægri hönd Damiens sem haldið hafði á rýtingnum var þá brennd af honum á glóandi kolum. Eftir það var hann klipinn með sjóðheitum töngum. Þegar hér var komið sögu var Damiens orðinn hálfgalinn af kvölum og æpti ókvæðis- og hvatningarorð að böðlum sínum: ,,Meira, meira, aumingjarnir ykkar!”

Hann var þá bundinn á höndum og fótum milli fjögurra stórra hesta sem slíta skyldu hann í sundur. Þeir voru barðir áfram af röskum hestasveinum og lögðust á aktygin af alefli en allt kom fyrir ekki, útlimir Damiens slitnuðu ekki frá bolnum. Menn losuðu þá um handleggi og fótleggi í axlarlið og mjaðmarlið með hníf og þá loksins tókst að slíta hann í sundur.

Þetta ætti að kenna okkur að reyna ekki að drepa.
Hagnaðurinn

Úr bókinni 'Listin að Lifa. Listin að Deyja'. Eftir Óttar Guðmundsson.

"Ég hef heyrt af rithöfundi sem fyrirfór sér eftir að hafa lokið fyrstu bók sinni til að vekja á henni athygli. Hann fékk reyndar mikla athygli, en menn voru á því að bókin væri ömurleg".

Bíómynd...

.... var að horfa á 28 Days Later. Gæðamynd.

Mætti segja að hún væri Karl Malone. Mjög sterk mynd og kraftmikil og góð frá upphafi til enda.

Hvort ferill Malone endi eins og myndin er hins vegar annað mál.

Hagnaðurinn

Er ég eini maðurinn...

.... sem át ekki súkkulaðiegg á páskadag?
.... sem finnst súkkulaði ekki gott?

Ætli ég sé skrítinn?

Hagnaðurinn

Tók mér video-mynd í gær...

... það var myndin Plots With a View. Þetta er bresk mynd sem var á Breskum Kvikmyndadögum núna fyrir áramót. Ég ætlaði alltaf á hana í bíó en vegna anna komst ég ekki.

Hingað til hef ég gefið myndum einkunn á skalanum 1-100. Núna hætti ég því. Þess í stað gef ég myndum einkunn með leikmönnum Lakers.

Plots With a View er Devean George. George er ágætur leikmaður sem á oft ágæta spretti. Hins vegar á hann það til að detta niður í meðalmennsku og þegar virkilega þarf að taka af skarið er George ekki með rétta búnaðinn.

City of God er Kobe Bryant.

Ég er Hagnaðurinn.
Ég kveð.
Ég óska landsmönnum hagnaðar og góðæris.

Bíóferð...

Hagnaðurinn brá sér í Smárabíó í gær ásamt Hörpu, Saurmanningum, President og Kristjönu. Fyrir valinu varð nýjasta mynd Adams Sandler 50 First Dates.

Þetta er góð mynd, en ekki ágæt ef miðað er við grunnskólaeinkunnir.

Meira bara spóla heldur en bíó.

Sýnishorn úr nýjustu mynd Kim Bauer, The Girl Next Door, stóð uppúr annars fínni ferð.

Comebackið heldur áfram á eftir.
Menn eru farnir að kalla Hagnaðinn Stan "the man" Collymore.


Sjáum til,
Hagnaðurinn

Strákur....

... farðu að drulla þér á MSN ... Arsenal eru búnir að tapa tvisvar.

Nóg að gera hjá Hagnaði...

... búinn að vera að mála gamla herbergið mitt í Kleifó síðustu tvo daga. Er núna orðið helvíti flott. Bara eftir að parketleggja.

Fór líka á æfingu í gær með Strumpunum. Held ég hafi einu sinni hitt á markið í 350 tilraunum. Þessi innanhúsmörk eru bara svo lítil.

Það er eins gott að Föstudagurinn Langi verði einstaklega langur. Það verður nefnilega Liverpool leikur kl. 11 um morguninn, Strumpaleikur klukkan 16:00 og svo matarboð um kvöldið. Og ég er að tala um að á milli klukkan svona 18 og 20 þarf ég að baka fullt af pítsum.

Reddast, er þaggi?
Hagnaðurinn

Síðasti skóladagur vetrarins...

... er þá búinn. Þetta verður ekki "Síðasti skóladagur ársins" vegna þess að Hagnaðurinn mun setjast á skólabekk á ný í haust.

Þetta er búið að vera nokkuð skemmtilegt önn, fljót að líða og bara búið að ganga nokkuð vel. Núna tekur við upplestrarfrí sem stendur í 23 daga. Svo tekur alvaran við.

Ég held ég haldi uppá þessi tímamót með því að halla mér.

ZZZZZZZZ,
Hagnaðurinn

Þetta las ég inná Huga...

... "Kanabis hefur læknigar mátt gegn krapameini"

Ég gat ekki lesið betur en að fólk væri eitthvað að dásama þetta. Þessi sem skrifaði ofangreind orð er kannski ekki með krabbamein, en hann er svo sannarlega heiladauður.

Hagnaðurinn

Liverpool góðir...

... og Lakers slakir.

Þetta var furðulegur íþróttadagur.

Hagnaðurinn

Í Landsins Snjallasta á föstudaginn...

... fékk Garðar Gunnlaugsson víst spurninguna: Hvað eru margir bókstafir í Hveragerði?

Grey strákurinn féll á tíma.

ps. Þetta er ekki grín.

Tók hræðilega góða...

... bíómynd á leigunni í gær. Nefnist hún City of God. Betri en flestar ef ekki allar nýjar myndir á leigunum í dag. Sem aukamynd tók ég The Virgin Suicides. Ég efast um að ég komi til með að horfa á hana.

Hagnaðurinn

Jack Bauer....

... þú ert í djúpum skít.

Tony Almeida.

Versló vann Borgó í framlengingu í Gettu Betur í kvöld...

... Hagnaðurinn vann OmmaDonna (WACC) í Gettu Betur í framlengingu í kvöld.

Annað var sögulegt, hitt ekki.

Hagnaðurinn

Lakers - S.A.Spurs...

... í beinni á Sýn á sunnudaginn. Ætla ég að horfa?

Eh, já.

Hagnaðurinn

Harpa sagði að ég gæti ekki bakað pönnukökur...

... just proved her wrong.

Ég mun því fá þetta skemmtilega verkefni fyrir afmælið hans Dags Tjörva á laugardaginn... kannski maður hendi smá kanilsnúðum með.

Kv. Hagnaðurinn

KÖNNUN...

... Þú ert að fara í leikhús. Búinn að kaupa miða fyrir 4.000 kr.
... Þegar þú mætir í leikhúsið áttar þú þig á að þú hafir týnt miðanum. Hvað gerirðu?

Kaupirðu annan miða, eða ferðu heim?