Golfblogg - bestu bloggin, tvöfalt golfblogg

Góðan dag hér og þar og alls staðar.

Ég er búinn að fara fimm sinnum í golf í sumar.
1) 9 holur á Urriðavelli.
2) 9 holur á Setbergsvelli.
3) 18 holur á Urriðavelli.
4) 18 holur á Urriðavelli.
5) 18 holur á Korpu.
Segir hér frá þeim tveimur síðastnefndu.

Það var fallegt veður, hlýtt og logn þann 26. júní síðastliðinn þegar ég, Viðar Guðjónsson og Ólafur Þórisson mættum á teig á Urriðavelli. Ráðgjafagengið svokallaða.

Ég var að spila hörkuvel - 90 högg alls (46/44). Það var helst að það vantaði smá meiri gæði í kringum flatirnar og á flötunum. Tölfræði:

• Pútt: 2 einpútt, 15 tvípútt, 1 þrípútt.
• Hittar brautir: 9/14 (64%).
• Hittar flatir: 4/18 (22%).
• Víti: 2.

Viðar og Ólafur léku ágætlega á fyrri 9 holunum, en það fjaraði aðeins undir þeirra leik þegar leið á nóttuna (01:00 am plús) og tók að rökkva.

*******************************

Í gær var svo haldið á völl þeirra GR-inga að Korpúlfsstöðum.
Upphaflega átti þetta að vera einvígi Liverpool-manna gegn manutd-mönnum, en það vantaði einn úr hvoru liði. Liðsskipan var því eftirfarandi: Hauger Woods, Ommidonna, Gunni Magg celeb, Júllí GR-ingur. Leikur hófst klukkan 21:30 í blíðskaparveðri.

Aðeins eitt skipti máli: Hauger Woods gegn Ommadonna; holukeppni. Þetta var mikilvæg keppni sem kannski sést best á því að Ommidonna fór sérstaklega að slá í hádeginu, til að vera klár í leikinn. En dugði það?

Fyrri 9 holurnar voru æsispennandi. Ég tók fyrstu 3 holurnar, fjórða féll, en Ommidonna tók 3 næstu. Það var því jafnt á 8. teig. Þar fékk ég minn fyrsta fugl í sumar og tók holuna. Níunda féll svo. Ég var því einn upp eftir 9 holur, og ákveðið að halda áfram, þrátt fyrir að klukkan væri að detta í miðnætti.

Ommidonna tók tíundu og jafnaði. Ég kom hins vegar sterkur til baka og tók elleftu og tólftu (2up). Þrettánda féll og ég tók fjórtándu (3up). Ommidonna tók svo fimmtándu eftir að ég vítaði, en ég kom enn og aftur sterkur til baka og tók sextándu og sautjándu, 4up og game over. Átjánda og síðasta féll svo.

Ég var að slá ágætlega í heildina, nokkuð stöðugur í teighöggunum, fínn í púttunum, en var ekki að hitta flatirnar. Tölfræði.

• Pútt: 5 einpútt, 13 tvípútt.
• Hittar brautir: 6/13 (46%).
• Hittar flatir: 3/18 (17%).
• Víti: 2.
• Högg: 94 (44/50). Sprengja á tíundu og átjándu.

Golfblogg, bestu bloggin.

Tiger Woods 2006...

Ég er búinn að hafa svolítinn tíma á virkum dögum núna í atvinnuleysinu. Ég hef nýtt tímann vel, haldið heimilinu gangandi, þrifið, bakað, reddað hlutum o.s.frv.

Einnig hef ég spilað slatta af Tiger Woods 2006 í Playstation 2 tölvunni minni; reyndar eini leikurinn sem ég spila.

Í kvöld voru tímamót, þegar ég sjálfur, mitt golf-sjálf, Hauger Woods, búinn til af mér, spilaði golfhring á 49 höggum.

Þetta var á Pasatiempo vellinum í Santa Cruz. Leikið var á næstöftustu teigum í svokölluðu West Coast Challenge móti.

Já ég var heitur.
49 högg (22,27).
6 ernir (2 holur í höggi)
10 fuglar
1 par
1 skolli (á átjándu, smá ævintýramennska)

Mig langaði bara að deila þessu með ykkur. Segið svo að það sé ekki hægt að golf-blogga á veturna líka.

Golfblogg, bestu bloggin.

Golf í dag...

... og það ekkert smá holl!

Hagnaðurinn, Biggington, Keðjan og Stiftamtmaðurinn.

Setbergið, 18:30.

Þetta verður eitthvað.

Hjólað í vinnuna - leiðbeiningar

Ég er byrjaður að hjóla aftur í vinnuna, og það á nýja vinnustaðinn. Það er hins vegar einn stór ókostur; það er ekki sturta í húsinu, þrátt fyrir að það sé splunkunýtt.

Þetta leysti ég með því að kaupa mér kort í sundlaug Kópavogs. Þetta kallar hins vegar á gífurlegt skipulag.

Dagur 1:
a) Ég hjóla úr Norðlingaholtinu í sundlaugina. Það tekur á bilinu 17-21 mínútu, eftir vindátt.
b) Jakkafötin, skyrta, skór, nærföt og sokkar eru í stórum bakpoka. Gott og vel. Ég sturta mig, fer í fötin og rölti uppí vinnu (4 mín labb).
c) Eftir vinnu skipti ég aftur um föt - uppí vinnu - fer í semi-illa-lyktandi íþróttafötin, skil jakkafötin eftir og skóna, tek með mér skyrtuna heim. Labba niðrí sundlaug og hjóla heim.

Dagur 2:
a) Núna er ég með jakkaföt og skó niðrí vinnu. Ég þarf því ekki að taka það með mér.
b) Hérna flækist hins vegar málið eilítið. Þar sem ég svitna á leiðinni, þá þarf ég föt til að fara í þegar ég labba úr sundlauginni og uppí vinnu. Það kallar líka á skópar, því ekki vil ég fara í illa lyktandi íþróttaskó í hreinum sokkunum. Það eru því þrjú skópör í gangi: íþróttaskór, ganga-á-milli-skór og vinnuskór. Einnig þarf ég hreina skyrta þar sem ég tók skyrtuna með mér heim á degi eitt. Þið haldið þræðinum.
c) Vinnudegi lýkur, skellt sér í semi-illa-lyktandi íþróttafötin, föt+skór eftir (nei, skór teknir með heim, brúðkaup á morgun), skyrtan og ganga-á-milli fötin tekin með heim.

Dagur 3 (mánudagur):
a) Dagur 2 myndi auðvitað ganga upp endalaust ef ég gæti alltaf verið í sömu fötunum. En það er viðbjóður.
b) Á mánudaginn þarf ég því að taka með mér ný jakkaföt (og auðvitað skóna sem ég tók með mér heim), fara í þeim á milli sundlaugar og vinnu, og taka svo "gömlu fötin" heim.
c) Þá er ég í rauninni aftur kominn á skipulag dags tvö.


Ég setti hraðamet á þessari leið í dag. Hjólaði þetta á rétt rúmum 17 mínútum, eða fjögur fyrstu lögin á með suð í eyrum plús rétt byrjunin á lagi fimm. Ég hugsa að þessi fjögur lög séu með því allra hressasta sem heyrist í tónlist í dag. Er til e-ð meira hressandi en Sigurrós?


**************

Golfblogg, bestu bloggin:

Ég spilaði Bakkakotið fyrir nokkrum dögum, í fyrsta sinn í mörg mörg ár. Kúkavöllur. Ég spilaði 9 holur, var ömurlegur, paraði samt þrjár og fékk einn fugl. Með í för var Ommidonna. Hann fór með sigur af hólmi, sanngjarnt. Ég náði hins vegar næstum því að gera þetta spennandi. Með þrjár holur eftir leiddi hann með þremur holum. Ég kláraði með par-fugl-par. Það dugði samt bara í eina holu til baka.

Á sunnudagsmorgun fór ég svo á Korpuna. Mót.
Ég/Óli vs. Ommidonna/Reynir handboltamarkmaður.
Það er skemmst frá því að segja að ég átti ekki eitt gott golfhögg á þessum 18 holum. Ekki eitt. Núll green í regulation. Núll pör. Óli var ekki mikið betri, en þó skömminni skárri.

Ommidonna og Reynir spiluðu hins vegar glimrandi vel og röðuðu inn punktunum. Öruggur sigur hjá þeim.

Fore... - golfblogg, bestu bloggin

Ég fór í golf á þriðjudaginn á Kjöl í Mosfellsbæ. Það gekk bara ágætlega fram á innáhöggið á 9. holunni. Nóg um það.

Á 6. holunni - par 3, 140 metrar - sló ég rétt vinstra megin við green-ið (þar sem maður púttar, Arna). Þegar ég er að undirbúa mig að slá með 60° fleygjárninu mínu yfir glompuna (sandur) heyri ég FORE og á sama tíma flýgur bolti beint yfir mig, á fleygiferð, og ég held að hann hafi verið svona 5 cm frá mér.

Þarna var að verki ungur maður á 5. teig (teigur er það sem maður tekur upphafshögg) en 5. brautin liggur að hluta til meðfram 6. brautinni.

Ábending til allra kylfina: Öskrið hátt og snjallt FORE þegar minnsti möguleiki er á að bolti sé á leiðinni í fólk. Ekki horfa á eftir boltanum og hugsa "ætli hann drífi, er hann á leiðinni í hausinn á honum, sleppur hann ekki".

Hefði þessi bolti farið í hausinn á mér væri ég líklega höfuðkúpubrotinn.

Hliðarsaga: Þar sem við biðum á 4. teignum (20 mín bið) kom maður í hollinu á eftir - hokinn af reynslu - og sagði okkur sögu af manni sem var að pútta á 3. green-inu og fékk bolta í augað þegar maður á 4. teignum sló slæmt högg. Sá sem varð fyrir högginu missti augað og tapaði málinu fyrir dómstólum.

Lærdómur: Golf er hættuleg íþrótt.

Clint...

4th Annual Clint Invitational Golfmótið verður haldið þann 6. september næstkomandi.

Boðskort verða send út fljótlega.

Þorlákur sigraður, golfblogg-bestu bloggin

Í gærkvöldi fór ég og spilaði golfvöllinn í Þorlákshöfn (erfiðasta golfvöll í heimi) ásamt góðum mönnum; Ólafi Ginobili, Agga Agzilla og Bigga Burger. Leikur hófst skömmu eftir 19 í rjómablíðu og logni en lauk rétt fyrir miðnætti í smá blæstri og það var farið að snögg-kólna.

Leikinn var klassískur golf-leikur. Ég/Biggi vs Óli/Aggi. Einn punktur fyrir besta skor, einn fyrir samanlagt og einn fyrir fugl. Enginn fugl sást á hringnum þrátt fyrir nokkur pútt úr góðum færum.

Ég var að spila vel í gær.
Ég var að vísu að slá frekar illa af teig með 3-trénu, en járnaspilið var nokkuð gott, og það sem öllu máli skiptir, stutta spilið er on fire. Ég var því að scramble fyrir þokkalegu skori.

Tölfræði:
Fyrri 9: 44
Seinni 9: 47
Samtals: 91 högg
* 4 pör
* 11 skollar
* 2 skrambar
* 1 triple (erfiðustu vallarins, sem nota bene er ekki Snákurinn)

Ég var að rifja þetta upp í gær - nafnið Snákurinn - var það ekki e-ð sem ég fann uppá? Ég var nefnilega að heyra að þetta sé orðið þekkt nafn, og líklega eina brautin á landinu sem er skírð eftir dýri.

Golfblogg, bestu bloggin, æfingablogg

Þetta er búið að vera lélegt golf-season. Ég er búinn að spila asnalega illa, slá stutt og skakkt, slæsa með öllum trékylfum, og bara almennt í ruglinu.

Því var gert nokkuð sem ég hef ekki gert áður. Síðustu þrjár golfferðir hafa verið stuttar. Básar-Grafarholti!


Núna eftir ca 200 bolta er sveiflan að komast í betra horf. Sjöan er aftur orðin 130+ metra högg, 3-tréð um 200 metrar, til að nefna dæmi. En það sem er merkilegast; ég er farinn að húkka boltann meira en slæsa. Ég golfferli mínum hef ég aldrei húkkað einn einasta bolta, þar til núna.

Ég hef einnig æft stutta spilið mikið (á minn mælikvarða). Svona í kringum green högg. Áður var ég alltaf að skalla boltann eða berja í jörðina. Núna er ég eiginlega alveg hættur því. Þetta telur allt.

Um helgina verður stóra prófraunin. Ný sveifla, nýtt hugarfar, sömu kylfur, sömu föt.

Flúðir - hér kem ég.

Golf...

Stundum er ég svo átakanlega lélegur í golfi að það er vandræðalegt að vera ég. Í kvöld var eitt af þessum kvöldum.

14 holur á Kili í Mosfellsbæ - ekkert par - fullt af heimskulegheitum - og sveiflan týnd og tröllum gefin.

Þetta þýðir bara eitt. Uppgjöf nei. Spila sig í gang já.

Þeir sem þora í golf með mér gefi sig fram!

--- svo er spurning með 4th Annual Clint Invitational --- Er áhugi?

Contact....

Nýtt netfang: haukursh (hjá) byr.is
Nýtt gsm: 893-0305

Ný vinna!

Lefty....

Phil lenti í smá vandræðum á 13. holunni á Torrey Pines í gær. Níu högg á par fimmu... það er e-ð sem ég er eiginlega hættur að gera. Nettur Tin Cup.



Þá er þetta nú skemmtilegra.

Spámaður!

Þetta skrifaði ég á föstudaginn:
"Eurovision. Við komumst áfram, þvert á mínar spár. Núna spái ég því að við lendum í 14. sæti."

Þetta fer í hóp minna bestu spádóma.

Reminder fyrir næstu ár: Fara í golf á eurovision-kvöldum. Þetta er bara of leiðinlegt.

Golf, Hauger´s back!

Já, Hauger Woods fann sveifluna sína í dag á nýjan leik. Hvað gerðist?

Leikið var hádegisgolf á Hlíðavelli í Mosfellsbæ við erfiðar aðstæður, kalt og stíf austanátt. Með í för var Grái Glæponinn.

Þetta er 9 holu völlur og því voru leiknir 2 hringir.

Fyrri 9 holurnar voru vægast sagt slæmar; eitt par, 2 skollar, 4 skrambar og 2 sprengjur. Alls gerði þetta 54 högg og 11 punkta. Ég var að slá eins og mongólíti lengst af og tók m.a. tvo L-teighögg með drævernum. Ég er slæsari og þau högg líta út eins og C (séð ofan frá, byrja á að fara til vinstri en enda svo hægra megin) en þetta var alveg nýtt. Þetta gerðist á 3. og 5. braut, uppí móti, á móti sterkum vindi. Mjög athyglisverð högg.

Seinni 9 voru mun betri; 3 pör, 5 skollar og ein sprengja. Alls 44 högg og 18 punktar, en það þýðir á mannamáli að ég var að spila á forgjöfinni minni. Þ.e.a.s. ég, Hauger Woods, er kominn aftur!

Menn mega fara að vara sig. Það er klárt.

Markmið sumarsins: Lækka forgjöfina í 13,0 úr 14,9. Spila á undir 85 höggum.

Lakers og golf...

Game 6 hjá Lakers og Utah í kvöld (nótt)!

Ég er búinn að sjá alla leikina í seríunni, og sá flesta leikina gegn Denver, og ég er að fíla Lakers. Nokkrir punktar:

*Kobe hefur verið stjarnfræðilega góður, bæði í vörn og sókn, og er að bera liðið á meiddu baki sínu.
*Odom hefur hins vegar verið maðurinn. Hann á hvern stórleikinn á fætur öðrum.
*Gasol er ágætur sóknarlega en slakur varnarlega og alltof slakur frákastari miðað við hæð. Svo vælir hann soldið mikið sem er leiðinlegur ávani.
*Fisher hefur svo verið mjög solid þrátt fyrir villuvandræði.
* Aðrir hafa spilað langt undir getu; menn eins og Radman, Farmar sérstaklega, THE MACHINE, Turiaf og Luuuuke. Við eigum þá inni.

Utah er líklega eitt leiðinlegasta lið sem ég hef séð spila. Fyrirliði leiðindanna er klárlega Matt Harpring. Ef Óli Þórðar væri körfuboltamaður, þá væri hann Harpring.

... nema hvað. Á miðvikudaginn vakti ég til 05:30 að horfa á mína menn leggja Utah í game 5. Klukkan 10:00 var á svo mættur á teig á Korpunni, eftir 3 tíma svefn. Ég mæli ekki beint með því.

Ég var lélegur.

Spá fyrir kvöldið: Lakers sigra með 15 stigum, 113-98.

Golfblogg... Bestu bloggin

Golfseasonið er hafið!

Fyrir helgi fór ég með fyrrverandi vinnufélaga á erfiðasta golfvöll í heimi, Þorlákinn. Þetta var fyrsti alvöru golfhringur ársins, þrátt fyrir að eingöngu voru spilaðar 9 holur.

Það var mikill stígandi í spilamennskunni. Byrjunin var erfið, mótvindur á fyrstu tveimur holunum, en þær eru eiginlega samfelld 650 metra sandglompa. Svo var sótt.

Síðustu 4 holurnar voru svo golfsýning. Par skolli par par. Slíkri syrpu hef ég aldrei áður náð á Þorláki. Þrátt fyrir þetta tapaði ég með einni holu í holukeppni.

Framundan er hugsanlega golfsumarið mikla. Það fer að vísu eftir því hvernig atvinnumál þróast. En ég stefni á golfhring á morgun, veðurspáin er ágæt, andvari, úrkomulaust og sæmilegur hiti. Fullkomið golfveður.

Golfseasonið er hafið, golfblogg - bestu bloggin

Seasonið hófst á litla vellinum við Korpúlfsstaði á laugardaginn klukkan 10:00. Með í för voru Geiri sleggja og Óli glæpon. Leiknar voru 9 holur í fullkomnu golfveðri.

Spilamennskan:
Að teknu tilliti til aðstæðna var spilamennska ágæt. Maður er vissulega ryðgaður eftir vetrardvala en var samt að slá skítsæmilega inn á milli. En ég tók líka nokkra mongólíta. Flatirnar voru í rugli og púttin því ómarktæk.

Það eru 18 dagar í golfferð til London. Þar er mikið undir. Bæði grænn jakki og liðsverðlaun, ungir vs. gamlir. Stærstu verðlaunin eru samt heiðurinn, og rétturinn til að geta rifið kjaft í heilt ár.

Áfram golf.

Golftímabilið....

Nú styttist í golftímabilið, og ekki laust við að menn séu aðeins farnir að fá í'ann.



Eitt er víst að þetta verður tímabilið hans Hauger Woods, þrátt fyrir takmarkaðar æfingar nú á vormánuðum.

Já fínt - já sæll

Nú styttist í golf-seasonið og því um að gera að byrja að teigja vel á höndum og muna - rassinn út.

USA - golf (bestu bloggin)

Frábær ferð að baki. Þetta var golfferð - fyrst og fremst - skrifum því um golf.

Við Óli spiluðum 7 daga í röð. Aldrei áður hafði ég spilað svo mikið sem 2 daga í röð, þannig að þetta tók á. Hér er recap:

Laugardagur: Wicked Stick. Simmi og Biggi spiluðu með okkur, eða gegn okkur. Ryder - USA vs. Evrópu. Þeir tóku okkur með 2 punktum, en það var spenna allt fram á síðustu holu. Spilamennska almennt fremur slök, brautir blautar og grín erfið. Local verð = $50.

Sunnudagur: Indigo Creek. Biggi kom með okkur. Skins-leikur, 3 bjórar undir á hverja holu. Ég var að spila illa og kom illa útúr þessari keppni. Ágætis völlur. Verð = $60.

Mánudagur: Arrowhead. Ég bjó eitt sumar við þennan völl, og því var ég næstum á heimavelli. Spiluðum með tveimur pappakössum úr SDGA golfskólanum. Þetta er glæsilegur 27 holu völlur. Ágætasta spilamennska á okkur þennan daginn. Local verð = $40.

Þriðjudagur: Shaftsbury Glen. Fáránlega erfiður völlur. Langur, öll grín upphækuð, varin með sandgryfjum, PGA pinnastaðsetningar, 30 stiga hiti. Þetta var bara spurning um að sleppa lifandi af vellinum. Verð = $75.

Miðvikudagur: TPC Myrtle Beach. Einn af þremur 5 stjörnu völlum í Karólina ríkjunum. Frábær völlur. Spilaði minn besta hring og var á 93 höggum. Special deal = $70.

Fimmtudagur: TPC aftur. Spilamennskan ögn verri, en engu að síður skemmtilegur hringur. Mill McKay, meðlimur í klúbbnum, spilaði með okkur.

Föstudagur: World Tour. Margar af frægustu golfholum heimsins á einum stað. Þetta var sko eitthvað. Önnur Ryder keppni, og aftur unnu heimamenn. Naumur sigur, en sigur.

Það tekur á að spila golf, ólíkt því sem margir halda, og að gera það 7 daga í röð í 25-30 stiga hita og sól er heilmikið púl, enda tók það mig svona hálfa mínútu að meðaltali að sofna, og það að meðaltali fyrir klukkan 23:00.

Golf er líka svona 75% andlegt. Fyrri hluta ferðarinnar var ég að dræva vel, en slá illa með járnum og pútta eins og blindur bavíani. Um miðbik ferðar var ég farinn að dræva frekar illa, slá mjög vel með járnum og pútta sæmilega. Undir lokin var svo dræverinn algjörlega úti í L-slæsi, járnin hingað og þangað, en púttin býsna góð. Svona er þetta stundum. Frábær íþrótt samt, þrátt fyrir mótlæti á stundum.

Kv,
Haukswood.

Update...

Golf fjorda daginn i rod!
Spiludum faranlega erfidan voll i dag, og tad var hitamet.

Tetta er gaman!

Gaaaa-man.